Star Wars: The Last Jedi

Filmsrøðin um "Star Wars" heldur fram við "The Last Jedi". Rey (Daisy Ridley) hevur funnið Luke Skywalker (Mark Hamill) og samstundis royna uppreistrarfólkini at flýggja frá skurkunum, The First Order.

The Disaster Artist

Í 2003 kom ein filmur út við heitinum "The Room". Hann gjørdist kendur fyri at vera ein tann vánaligasti filmurin nakrantíð, men kortini stuttligur at hyggja eftir. Eg sá hann langt síðani og eg flenti nógv. Leikstjórin, rithøvundurin og høvuðsleikarin var Tommy Wiseau; ein ókendur sjónleikari, sum gav eina sera vánliga og minniliga framførslu. Nú hevur James Franco leikstjórnað ein film um, hvussu "The Room" varð framleiddur – gjørt eftir bókini "The Disaster Artist" hjá Tom Bissell og Greg Sestero, sum er besti vinurin hjá Tommy.

Justice League

Í fjør varð "Batman v. Superman: Dawn of Justice" útgivin og hann skuldi byggja upp til "Justice League" í ár. Tíverri var tað ein tann vánaligasti superhetjufilmurin, sum eg hevði sæð, og DC Films høvdu trupulleikar við hesi filmsrøðini. Hinvegin var teirra seinasti filmur, "Wonder Woman", sera góður, so hvussu man úrslitið vera hesuferð?

Thor: Ragnarok

Tann síðsti Marvel superhetjufilmurin í ár er "Thor: Ragnarok". Hann hongur saman við "Avengers: Infinity War", sum kemur út næsta ár. Thor (Chris Hemsworth) verður settur í fongsul og noyðist onkursvegna at sleppa aftur til heimbýin Asgaard, ið er vorðin álopin av gudinum Hela (Cate Blanchett).

Blade Runner 2049

Í 1982 varð "Blade Runner" útgivin, sum er ein tann kendasti "science fiction" filmurin nakrantíð. Hann var leikstjórnaður av Ridley Scott. Í 2007 varð filmurin kliptur av nýggjum við heitinum "Blade Runner: The Final Cut" og tað er útgávan, sum eg havi sæð. Mær dámar væl filmin. Hann er áhugaverdur og flott gjørdur. Nú er eftirfylgjarin komin út við heitinum "Blade Runner 2049". Ridley Scott hevur verið við til at framleiða hann og leikstjórin er Denis Villeneuve – kendur fyri m.a. "Prisoners" og "Arrival". 

Kingsman: The Golden Circle

Hetta er eftirfylgjarin til "Kingsman: The Secret Service", sum mær dámar sera væl. Tað var ein tann besti actionfilmurin frá 2015 og eg gleddi meg til tveyarin. Hesuferð noyðast Eggsy (Taron Egerton) og Merlin (Mark Strong) at fara til USA og samstarva við amerikansku deildina, sum nevnist Statesman. Heimurin verður hóttur av einum felagsskapi, sum eitur The Golden Circle. 

Dunkirk

Christopher Nolan hevur skrivað og leikstjórnað m.a. "Inception", "Interstellar" og "The Dark Knight". "Dunkirk" er hansara fyrsti krígsfilmur og er gjørdur eftir eina veruliga hending. Søgan fer fram undir seinna heimsbardaga. Bretskir og franskir hermenn eru kringsettir av fíggindum í Dunkirk, so bretska stjórnin roynir at fáa teir heimaftur.

Valerian and the City of a Thousand Planets

Franski filmsframleiðarin Luc Besson hevur leikstjórnað m.a. "The Fifth Element" og "Lucy", og skrivað allir "Taken"-filmarnir. Eg var áhugaður í hansara nýggja filmi, "Valerian and the City of a Thousand Planets", sum sigst at vera dýrasti filmurin, ið er framleiddur í Fraklandi.

Spider-Man: Homecoming

Eg havi fyrr nevnt, at Spider-Man er mín yndissuperhetja. Í fjør fingu vit eina nýggja útgávu í filminum "Captain America: Civil War" og eg var sera glaður fyri úrslitið. Tað var ein sera góður Spider-Man og mær dámdi væl sjónleikarin, Tom Holland. Nú hevur hann høvuðsleiklutin í "Spider-Man: Homecoming".

Zootropolis

Í juni ummælti eg eina rúgvu av teknifilmum, sum komu út í 2016. Nú endi eg røðina við "Zootropolis", sum er ein av nýggjastu filmunum hjá Disney. Søgan fer fram í eini heimi, sum hevur bert djór, ið uppføra seg sum menniskju. Vit fylgja Judy Hopps (Ginnifer Goodwin), sum er fyrsta kaninin, ið verður sett í starv sum politistur. Hon flytir til stórbýin Zootropolis, har ið øll djór liva saman í friði. Tá hon fær eina torføra uppgávu, noyðist hon at biða um hjálp frá einum svindlara, revurin Nick Wilde (Jason Bateman).

Baby Driver

Eg mangli at ummæla ein teknifilm afturat og tað er "Zootropolis". Ummælið kemur út í komandi viku, so í dag verður tað í staðin nýggi actionfilmurin "Baby Driver". Hann er skrivaður og leikstjórnaður av Edgar Wright, sum eisini er leikstjórin handan "Hot Fuzz" og "Scott Pilgrim vs. the World". Søgan er um ein drong, sum eitur Baby (Ansel Elgort). Hann arbeiðir sum bilførari hjá brotsmanninum Doc (Kevin Spacey) og lurtar altíð eftir tónleiki, tí hann hevur tinnitus.

Trolls

"Trolls" fer fram í eini bygd við trøllum, sum altíð eru glað. Fyri nógvum árum síðani flýddu tey frá ódjórum, sum eta trøll. Ein dagin verður bygdin álopin og vinirnir hjá Poppy (Anna Kendrick) verða tikin. Hon fer tí í samstarv við Branch (Justin Timberlake) – tann einasti gronuti persónurin í bygdini – og saman fara tey út at bjarga vinirnir.

Storks

Lýsingarnar fyri teknifilmin "Storks" nevndu, at hann kemur frá sama felagnum, sum gjørdi "The Lego Movie". Tað er ein av teimum stuttligastu filmunum, sum eru komnir út nýliga. Er teirra næsti skemtifilmur eisini væleydnaður?

Sing

Illumination Entertainment útgóvu tveir teknifilmar í fjør. Fyrst "The Secret Life of Pets" og síðan "Sing". Eg var ikki áhugaður í hesum filminum og mær dámdi ikki lýsingarnar. Tað líktist einum filmi, sum bert royndi at marknaðarføra kendar sangir. Var úrslitið betri ella verri enn væntað?

The Secret Life of Pets

Illumination Entertainment er felagið handan m.a. "Despicable Me" og "The Lorax". Hetta er so teirra næstnýggjasti filmur, "The Secret Life of Pets". Vit fylgja nøkrum kelidýrum í New York og síggja, hvat tey gera um dagin, meðan eigararnir eru burturstaddir. Hundurin Max (Louis C.K.) verður illur, tá ið eigarin adopterar hundin Duke (Eric Stonestreet). Nú er Max brádliga noyddur til at hava ein beiggja. 

The Red Turtle

Hesuferð ummæli eg ein franskan teknifilm, sum eitur "The Red Turtle". Hann varð framleiddur í samstarvi við Studio Ghibli – japanska teknifilmsfelagið handan t.d. "Spirited Away" og "Princess Mononoke". Søgan er um ein mann, sum verður strandaður á eini oyggj og hittir eina gátuføra reyða sjaldbøku.

Moana

Umframt Pixar filmin "Finding Dory", so góvu Disney tveir aðrir teknifilmar út í fjør. Fyrst kom "Zootropolis" og at enda "Moana", sum varð leikstjórnaður av Ron Clements og John Musker – danska heitið er "Vaiana". Teir hava arbeitt hjá Disney í fleiri ár og leikstjórnaðu m.a. "The Little Mermaid", "Aladdin" og "Hercules".

Kung Fu Panda 1-3

Í fjør útgóvu DreamWorks "Kung Fu Panda 3" og tað er ein filmsrøð, sum er næstan 10 ára gomul. Eg var ein stórur fjeppari av eittaranum, tá ið hann kom út og tað var stuttligt at vitja røðina aftur. Eg havi avgjørt at royna okkurt øðrvísi og skriva stutt ummæli av øllum filmunum.

Wonder Woman

DC Comics hava stríðst við, at stovna eina filmsrøð á sama hátt sum Marvel. Báðir filmarnir í fjør fingu ring ummæli og nú er tíðin komin til, at hoyra upprunasøguna hjá Wonder Woman. Hon hevði ein lítlan leiklut í "Batman v. Superman: Dawn of Justice" og tað er ein tann vánaligasti superhetjufilmurin, sum eg havi sæð í fleiri ár. Eg havi tískil verið skeptiskur um filmsrøðina, men nú fáa vit at síggja. Er 2017 eitt betri ár hjá DC Comics?

Kubo and the Two Strings

Í fjør kom ein rúgva av teknifilmum út, men eg ummælti bara tríggir. Eg havi tí valt at gera eina roynd. Hvønn týsdag og hósdag hendan mánaðin fari eg at ummæla ein teknifilm, sum kom út í 2016 – m.a. "Moana" og "Sing". Tað verður í alfabetiskari raðfygju og fyrsti filmurin er "Kubo and the Two Strings".

Pirates of the Caribbean: Salazar's Revenge

Johnny Depp er farin aftur til ein av hansara kendastu leiklutum, Captain Jack Sparrow. "Pirates of the Caribbean" er ein tann mest vælumtókta filmsrøðin hjá Disney. Eittarin kom út í 2003 og hetta er fimti filmurin í røðini.

Guardians of the Galaxy Vol. 2

Eftir ein langan steðg, so havi eg avgjørt at ummæla filmar aftur. Nú nærkast summarfrítíðin og tá útgeva Hollywood stórir poppkornfilmar. Satt at siga er "Guardians of the Galaxy Vol. 2" ein filmur, sum eg havi glett meg til í nøkur ár. Eg eri ein stórur fjeppari av eittaranum. Tað er satt at siga mín yndissuperhetjufilmur hjá Marvel. Mær dámar sera væl persónarnir og eg gleddi meg til, at síggja tey aftur.

Berlinale 2017: The Party & Viceroy's House

Í ár fekk eg møguleikan at fara á Berlinale í nakrir dagar. Tað er altjóða filmfestivalurin í Berlin og tað var ein stór uppliving. Sýningarnar vórðu skjótt útseldar, so man valdi tilvildarligir filmar, sum man megnaði at fáa atgongumerkir til. Eg hugdi eftir m.a. bretsku filmunum "The Party" og "Viceroy’s House", týska filminum "Amelie Rennt" og donsku sjónvarpsrøðini "Gidseltagningen". Eg havi avgjørt at skriva stutt ummæli av hesum filmunum. Eg byrji við "The Party" og "Viceroy’s House", og ummæli hinir seinni.

Split

Fyri nógvum árum síðani var M. Night Shyamalan ein sera vælumtóktur leikstjóri, orsakað av filminum "The Sixth Sense". Seinni fór hansara karriera av sporinum, tí hann gjørdi eina rúgvu av vánaligum filmum – til dømis "The Happening", "The Last Airbender" og "After Earth". Hann gjørdist tískil ein illa umtóktur leikstjóri. Hinvegin hevur hansara nýggjasti filmur, "Split", fingið góð ummæli, so man hetta vera eitt framstig? 

xXx: Return of Xander Cage

Vin Diesel er kendast fyri "Fast & Furious"-filmarnir, men fyri 10 árum síðan spældi hann eisini í øðrum filmsrøðum: "Riddick" og "xXx" – úttalað "Triple X". Tær røðirnar steðgaðu upp í fleiri ár inntil 2013, tá ið filmurin "Riddick" kom út. Nú er tann triði filmurin í "xXx"-røðini endiliga komin út. Eittarin varð útgivin í 2002 og í 2005 kom tveyarin, sum satt at siga hevði Ice Cube í høvuðsleiklutinum í staðin fyri Vin Diesel.

La La Land

"Whiplash" var ein tann mest vælumtókti filmurin, sum kom út í 2014. Mær dámdi hann eisini væl og tað var fyrsti spælifilmurin hjá einum nýggjum leikstjóra, sum eitur Damien Chazelle. "La La Land" er hansara næsti og nýggjasti filmur. Eg sá hann stutt síðani í Onglandi og hann kemur til Føroyar í endanum av februar.

Assassin's Creed

Hollywood hava enn einaferð roynt at filmatisera eitt telduspæl. Í fjør varð "Warcraft: The Beginning" útgivin og tað var satt at siga ein hampuliga góður filmur. Hvør veit? Kann tað eydnast aftur við "Assassin’s Creed"?