The Shrink Next Door

Nú er nýggjársaftan og eg vil fegin gera okkurt øðrvísi. Hesuferð ummæli eg ikki ein film, men eina stuttrøð á Apple TV+. Seinastu árini havi eg verið meira drigin til sjónvarpsrøðir enn filmar, og serliga nú tá vit hava fleiri stroymingtænastur. Í fjør fór Will Ferrell í samstarv við Netflix, og úrslitið var ein stuttligur og sjarmerandi skemtifilmur um Eurovision Song Contest. Hansara næsta verkætlan var ein dramarøð á Apple TV+: The Shrink Next Door. Hetta er gjørt eftir eina sanna søgu. Marty Markowitz (Will Ferrell) stríðist við angist og fer tí til sálarfrøðingin Dr. Ike Herschkopf (Paul Rudd). Í byrjanini fær hann góða sálarliga viðgerð og teir gerast vinir. Men so byrjar Ike at yvirtaka alt lívið hjá Marty.

No Time to Die

Hetta er síðsti James Bond filmurin við Daniel Craig í høvuðsleiklutinum og vit fáa at síggja, hvat hendir aftaná. Men tað er ikki orsøkin til, at føroyingar eru áhugaðir í No Time to Die. Sum tey flestu vita, so kom eitt filmslið til Føroya og tók upp á Kalsoynni. Tað var loyniligt og eingin visti, hvønn leiklut tað fór at hava í filminum. Tað ljóðaði ov gott at vera satt. Fóru vit at síggja Kalsoynna í einum stórum Hollywood filmi? Tað var spennandi at fara í biografin og finna út av tí. James Bond (Daniel Craig) er givin sum njósnari, men verður drigin út aftur, tá ein gamal vinur úr CIA biður um hjálp.

Free Guy

Eg havi glett meg til hendan filmin. Hugskotið er rættiliga áhugavert: Ein bankamaður finnur út av, at hann er ein bakgrundspersónur í einum telduspæli. Tað er eitt stórt voldligt spæl, sum minnir um bæði Fortnite og Grand Theft Auto.

Black Widow

Eg skrivi ikki nógv ummælir longur. Eg havi ikki stóran áhuga og tað er ivasamt, um eg fari at gera tað leingi afturat. Black Widow er ein limur í The Avengers, sum ongantíð fekk sín egna film. Hon hevði leiklutir í filmum um t.d. Iron Man og Captain America. "Black Widow" granskar hennara bakgrund. Søgan fer fram í 2016 og beint eftir hendingarnar í "Captain America: Civil War". Natasha Romanoff (Scarlett Johansson) flýggjar og stendur andlit til andlit við hennara fortíð.

Wonder Woman 1984

DC Films hava havt bæði upp- og niðurtúrar, men “Wonder Woman” var sera væleydnaður. Gal Gadot gjørdist ein stór filmstjørna og í framtíðini fara vit óivað at síggja hana í fleiri leiklutum. "Wonder Woman 1984" er ein beinleiðis eftirfylgjari. Søgan fer fram í 1984 og Diana Prince arbeiðir á einum forminnisavni í Washington DC. Samstundis hevur hon eitt loyniligt dupultlív sum superhetjan Wonder Woman. Ein dagin uppdagar hon, at Steve Trevor er onkursvegna afturkomin. Tey samstarva fyri at steðga einum óndum handilsmanni, sum hevur fingið fatur í ein gandastein, ið kann uppfylla ynskir.