The Beaver (2011)

Instruktørur
Jodie Foster

"The Beaver" er um ein deprimeraðan mann, Walter Black (Mel Gibson), sum hevur mist hugin til at liva. Ein dagin koyrir hann eina bævur-dukku á hondina hjá sær og byrjar at samskifta við fólk gjøgnum hana. Løgið hugskot, ha? Men instruktørurin, Jodie Foster, fær tað til at rigga. Filmurin fekk blandaði ummæli frá kritikarum, men mær dámdi hann sera væl. Tað er ikki ársins besti filmur, men ein sera góður, rørandi filmur.

Mel Gibson gevur eina fantastiska, Oscar-verda framførslu. Hetta er als ikki ein lættur leiklutur, men Gibson klárar tað og ger eitt fantastiskt arbeiði. Hann er sera sannførandi og klárar at gera hesa løgnu handlingina trúverdiga. Jodie Foster er eisini góð og allir sjónleikararnir eru trúverdigir.

Filmurin hevði nakrar trupulleikar í byrjanini. Teir fyrstu 5-10 minuttirnir vóru sera góðir, men síðan føldist tað sum um, at søgan gekk ov skjótt fyri seg og at stemningurin var ójavnur. Eg helt eisini, at hinir persónarnir burtur sæð frá Walter vóru óinteressantir í byrjanini. Men so skjótt sum Walter byrjar at samskifta gjøgnum bævurin, so gjørdust hinir persónar interessantir, søgan gjørdist fangandi og filmurin gjørdist nógv betri. Í byrjanini var hann bert fínasta slag, men so gjørdist hann betri og betri, og at enda sera góður. 

Dramaið er sera væl eydnað, serliga í seinnu helvtini av filminum, og eg varð ofta sera rørdur. Hann er rættiliga deprimerandi av og á, og tað er eisini meiningin. Filmurin roynir eisini at hava eitt sindur av skemti og tað riggar fínasta slag. Har vóru ongar jokes, ið fingu meg at flenna hart, men tað bilar ikki, tí filmurin er ein dramafilmur sum heild. Endin er sera góður og rørandi. Eg varð yvirrskaður av, hvussu effektivur og fangandi hesin filmurin var. Eg mæli teg til at geva honum ein møguleika, hóast søgan virkar løgin.

4 / 5 stjørnur